RUS
SMARTNEWS.KZ басылымының хабарлауынша, еліміздегі су тасқынына байланысты төтенше жағдай жарияланған облыстар қатарында Атырау да бар. Utebayev University ұжымы сын сағатта тыс қалмай, табиғи апаттан зардап шеккендерге көмек көрсету шарасын ұйымдастырады.
Utebayev University ректоры Гүлзада Шакуликова Жылыой ауданы Құлсары қаласындағы тілсіз жау кесірінен қиын жағдайға тап болған отбасылардың студент балаларына оқу орны тарапынан тиісті көмек көрсетілетінін мәлімдеді.
Қазір отбасылары су тасқынынан зардап шеккен студенттердің тізімі нақтылануда. Университет ол студенттерге жан-жақты қолдау көрсетуге дайын.
Сонымен қатар, апат аумағынан эвакуацияланған тұрғындарға университет спорт залынан жатын орын беріледі.
АтМГУ қызметкерлері мен профессорлық-оқытушылар құрамы, студенттері еріктілер қатарында су тасқынының алдын алу жұмыстарына тартылуда.